Day 2
日期：2009年7月24日(五)
天氣：天晴-陽光普照
行程：Reykjavik 雷克雅未克 - Blue Lagoon 藍湖(Iceland)
今天八時多起床，屋主準備了牛奶、蘋果汁同橙汁，仲有麵包、芝士、火腿、牛油同果醬，大家享受了一個豐富嘅早餐！
吃過早餐，我們便到地下 付房租；起初，他收我們（ISK6900*5）ISK34500一晚，但其實只須ISK32700一晚，不過最後他給我們折扣，一晚ISK29000,所以又省了些錢。由於可以付信用咭，所以我們先付房租再去市中心找銀行兌換冰島克朗（Icelandic Krona)。離開前，仲請職員幫我地book今日5點半去Blue Lagoon同聽日join Golden Circle當地遊添。
在Laugavegur 購物街看到不少有趣的東西：接近沒有人的大街、北歐設計的傢俱、糖果專門店、粗糙但輕微防水的毛衣和露天茶座等。不過，最吸引我地嘅係充滿色彩的外牆壁畫，雪山好像真的會下雪似的。我們看了一會發現那些「雪」原來他們用了一些閃爍的雙面金屬片做成，由於經常有風，把那些雙面金屬片吹起，造成下雪的效果，很有趣。
在大街上，我們參考了餐廳的價錢，平均都要百多二百港元吃一餐，所以我地決定去超市入貨，實行「美女廚房-冰島站」，自己下廚。我地去了Bonus先入貨，係最抵的一間超市。行超市，想不到亦係我地的節目之一，因為超市嘅雪藏食物好多，因為冰島嘅乳酪似乎好吸引，係機場的廣告已經吸引住我，另外，我地又好想自己煮pasta啦，焗pizza，煎魚柳等。後來，又去了1010超市，由於似7-11便利店，早十晚十，開放時間特長，所以價錢貴d。但係近市中心個間有熱騰騰的燒雞售賣，我地又忍唔住買咗一隻。
去了銀行兌換冰島克朗(Icelandic Krona)，想不到我計劃時，1港元兌29克朗，今天用1英鎊兌203克朗，即係差唔多1港元兌16克朗，冰島克朗的幣值升了很多，意味住我地今次要省住用，唔可以亂花錢啦！
之後，我地五個傻人去了密絲帶舊年住個間酒店樓下個公共洗手間如廁，估唔到連如廁都要學習一下。首先留意門外的指示，如果係紅色可能係有人或清潔中，要等到轉綠色，就可以按鈕入內。入WC又會自動關門，如廁後，自動化沖水，一站式取洗手液，出水洗手同風乾，最後按鈕離開。離開後，洗手間會自動清洗兩分鐘，確保清潔衛生。五個人有四個都去試用(唯獨我未有需要試用)。
之後，去了全市最著名熱狗檔食熱狗。起初，我地五個人都唔知佢嘅來頭，不過本住好野先有人排隊的原則，食HOTDOG都要排成五分鐘，真的不簡單。點解出名？連美國前總統克林頓都幫襯過，而且價錢最合理(ISK260，約15港幣)，老闆娘年過六十，做熱狗檔幾十年都係咁好生意，真係厲害！熱狗好味之處，除咗香腸美味而且夠熱外，mustard，茄醬，再配埋烤洋蔥，真係惹味得很。我地話過要係離開冰島前再幫襯，因為真係幾好味！
醫完肚，行下買下，又要準備返「屋企」休息一下。正當想食隻燒雞醫肚之際，點知Apartment的staff通知我地夠鐘去藍湖(Blue Lagoon)。原來，五點半係指在BSI巴士總站出發，而Mini bus會準時五點先去各酒店同guesthouse接人客去BSI Terminal，再轉乘旅遊巴入藍湖(Blue Lagoon)。
結果，我地就急急腳清理一下，立即飛上車，好彩我地係第一批被接嘅客人，否則真係影響香港聲譽啦！
約四十分鐘左右，就去到同事們多莉詩、密絲帶同瑪莉亞都推介的藍湖(Blue Lagoon)。
入場先取手帶，用手帶嘅感應器入場。我地先更換泳衣，再將物品放入儲物櫃，又用手帶lock櫃。呢度嘅locker有大有細，大的連大backpack或者suitcase都放得入，而且藍湖(Blue Lagoon)位置很接近機場，難怪有很多人會係到達或臨離開冰島前去藍湖(Blue Lagoon)啦！
換完泳衣，同去浸日本溫泉一樣，同樣要先沖涼，帶埋自備的毛巾(省回ISK800，即係成50蚊港幣)，便進入藍湖啦！
雖然係夏天，但係收咗陽光有D風吹埋嚟都有D凍，所以大家決定用室內池進入戶外池。其中一位團友由於唔太方便落水，所以只好從門口行入Lagoon。話時話，我都係enjoy上次係下呂同奧飛驒溫泉鄉的溫泉多d，因為太多人啦！不過，既然要成ISK5900，我地梗係要用盡所有設施啦！首先，我地玩了兩次用Silicon mud敷面、手同腳板底，哈哈，大家貪字得個貧，面 - 「鞋」晒；頭髮 - 「鞋」埋；手同腳 ...唔見得滑咗。跟住，去用sauna同steam，又用水力按摩等，最後連wood house的sauna都玩埋，around七點幾，終於決定離開。洗完白白，未有車來，便去gift shop買下手信兼試用Blue Lagoon出的護膚品，最後上埋balcony影相，又要趕coach。今日真係行程緊密啦！
返到屋企，大家夾手夾腳，分頭行事：煮pasta的煮pasta，煎魚的煎魚，煲湯的煲湯，好快手就可以開餐啦！食完飯，大家又要準備好好休息，因為聽朝要八點出門參加Golden Circle之旅！
參考資料：
Bæjarins Beztu Pylsur 地址：Posthusstraeti101 Reykjavik
Bonus 網址：http://www.bonus.is/
藍湖(Blue Lagoon) 網址：http://www.bluelagoon.com/
PS: 原來有關冰島的遊記好少，所以連密絲帶的遊記，我地其中一位團友睇過，同我講話佢睇過一篇遊記，兩公婆住Hotel Plaza，老公叫大王，笑到我死，大王咪我地的密絲帶的蝦子餅囉！
所以話呢「世界真細小」！
